A- A A+
«Сандықтау ауданы әкімінің аппараты» MM
Шетелге тұрақты тұруға кетуге байланысты БЖЗҚ-дан зейнетақы төлемдерін алу

Алматы, Қазақстан.

Бiрыңғай жинақтаушы зейнетақы қорының (БЖЗҚ/Қор) ақпараттық арналарына жиi келiп түсетiн сұрақтардың бiрi — шетелге тұрақты тұруға кетуге байланысты БЖЗҚ-дан зейнетақы төлемдерiн алу (ТТК).

«Қазақстан Республикасында зейнетақымен қамсыздандыру туралы» ҚР Заңына сәйкес

Қазақстаннан тыс жерлерге тұрақты тұруға кеткен, кету фактiсiн растайтын құжаттарды ұсынған, Бiрыңғай жинақтаушы зейнетақы қорында зейнетақы жинақтары бар шетелдiктер мен азаматтығы жоқ адамдардың зейнетақы төлемдерiн алуға құқығы бар.

«Халықтың көшi-қоны туралы» ҚР Заңына сәйкес Қазақстаннан тыс жерлерге тұрақты тұруға кету, iшкi iстер органдары кету фактiсiн растайтын құжаттарды рәсiмдеген соң жүзеге асырылады.

Егер БЖЗҚ-да зейнетақы жинақтары бар, басқа мемлекеттiң азаматтығын алуды жоспарлаған Қазақстан азаматы, Қазақстанда тұрақты тұратын шетелдiк немесе азаматтығы жоқ адам

Қазақстан аумағынан тыс жерлерге тұрақты тұруға кету туралы шешiм қабылдаса, белгiленген тәртiпте шетелге кетуге арналған құжаттарды рәсiмдеуi керек.

Бұл рәсiм шетелге тұрақты тұруға кетiп бара жатқан азаматтардың Қазақстандағы орындамаған (салық, мүлiк, сот, мерзiмдi әскери қызметтi өтеу және т. б.) мiндеттемелерiн анықтау үшiн қажет.

Қазақстан Республикасы азаматтарының, Қазақстанда тұрақты тұратын шетелдiктер мен азаматтығы жоқ адамдардың шетелге тұрақты тұру үшiн елден кетуге арналған құжаттарын рәсiмдеу «Қазақстан Республикасынан тыс жерлерге тұрақты тұру үшiн кетуге арналған құжаттарды» мемлекеттiк көрсетiлетiн қызметiн стандартымен реттеледi.

Шетелге тұрақты тұруға кету үшiн елден кетуге арналған құжаттарды рәсiмдеу үшiн ҚР Iшкi iстер министрлiгiнiң (IIМ) аумақтық бөлiмшелерiне немесе халыққа қызмет көрсету орталықтарына (ХҚО) жүгiну қажет.

Егер шетелге уақытша кеткен Қазақстан азаматы сол елде тұрақты тұруды ұйғарса, ол бұл туралы Қазақстанның консулдығына немесе дипломатиялық өкiлдiгiне жүгiнуi тиiс.

Қазақстаннан тыс жерлерге тұрақты тұру үшiн елден кетудi рәсiмдеу жайындағы бүкiл ақпарат

ҚР Әдiлет министрлiгiнiң «Жеке тұлғалар» Мемлекеттiк дерекқорына (ЖТ МДҚ) тiркелiп отырады. Айта кетелiк, бұл ақпараттардың барлығы ҚР IIМ-нен келiп түседi. БЖЗҚ шетелдiктер мен азаматтығы жоқ адамдардың құжаттарын тексеруге алғанда осы Мемлекеттiк дерекқорға жүгiнедi.

Алушыдан ең аз құжаттар пакетi талап етiледi.

Соның iшiнде өзi келiп өтiнiш жасағанда:

Шетелдiк азаматтың шетелдiк паспортының түпнұсқасын, алушының банк шоты туралы мәлiметiн ұсынады және БЖЗҚ-да тиiстi өтiнiштi толтырады.

Сондай-ақ, құжаттарды ұсынудың балама жолы да бар. Ол, — құжаттарды үшiншi тұлға (сенiм артылған) немесе пошта байланысы арқылы ұсыну.

Шетелдiктен немесе азаматтығы жоқ азаматтан тиiстi құжаттарды алған соң, БЖЗҚ «Жеке тұлғалар» Мемлекеттiк дерекқорына (ЖТ МДҚ) Қазақстаннан тыс жерлерге тұрақты тұру үшiн кетудi рәсiмдеу туралы мәлiметтер сұрайды.

Құжаттарға қатысты оң жауап алынып, ешқандай ескертпелер болмаған жағдайда, БЖЗҚ құжаттар қабылданған немесе келiп түскен күннен бастап он жұмыс күнi iшiнде төлемдердi алушының өтiнiшiнде көрсетiлген банк шотына аударады.

Ал құжаттарға қатысты терiс жауап және (немесе) ескертпелер алынған жағдайда, БЖЗҚ өтiнiш берген күнi құжаттарды қабылдаудан бас тарту туралы қолхатты бере отырып, өтiнiштi қабылдаудан немесе құжаттарды алған кезден бастап он жұмыс күнi iшiнде хабарлама жолдау арқылы бас тарту себебiн көрсете отырып, өтiнiштi орындаудан бас тартады.

Iс жүзiнде шетелдiктер, олардың iшiнде негiзiнен Ресей Федерациясы азаматтарының жиi өтiнiш жасайтындығы байқалады. Олар:

1. Белгiленген тәртiпке сәйкес Қазақстан Республикасының шегiнен тыс жерлерге тұрақты тұруға кетуге арналған құжаттарды рәсiмдеместен азаматтық алған. Бұл жерде оларға айтылар бiр ғана ұсыныс бар — ҚР шегiнен тыс жерлерге тұрақты тұру үшiн елден кетудi мiндеттi түрде рәсiмдеу қажет.

2. ҚР шегiнен тыс жерлерге тұрақты тұру үшiн кетуге арналған құжаттарды белгiленген тәртiп бойынша рәсiмдеген, бiрақ:

1) рәсiмдеу реттiлiгiн бұзған, яғни алдымен ҚР азаматтығынан айырылуды, ал кейiн кетудi рәсiмдеген;

2) «Жеке тұлғалар» Мемлекеттiк дерекқорында ақпарат жоқ және т. б.

БЖЗҚ соңғы санаттағы адамдардың мүдделерiн қорғау және осы мәселе бойынша жан-жақты түсiнiктеме алу үшiн ҚР Iшкi iстер министрлiгiне арнайы хат жолдады. Соған сәйкес ҚР IIМ Көшi-қон қызметi комитетi БЖЗҚ, ҚР IIМ және басқа да уәкiлеттi мемлекеттiк органдар өкiлдерiнiң жұмыстық кездесуiн ұйымдастырды. Бұл кездесу ағымдағы жылы 21 сәуiрде Астана қаласында өттi.

Жұмыстық кездесудiң нәтижесi бойынша ҚР шегiнен тыс жерлерге тұрақты тұруға кету бойынша, оның iшiнде БЖЗҚ-дан зейнетақы төлемдерiн алу барысында туындайтын мәселелердi шұғыл шешу үшiн БЖЗҚ, ҚР IIМ және басқа да уәкiлеттi мемлекеттiк органдар өкiлдерiнен тұратын жұмыс тобын құру туралы шешiм қабылданды. Бұл бағытта БЖЗҚ тарапынан тұрақты негiзде жұмыс жүргiзiлiп жатыр.

БЖЗҚ мен ҚР IIМ Көшi-қон қызметi комитетiнiң бiрлескен жұмысы барысында бұған дейiн БЖЗҚ-ға зейнетақы жинақтарын алу бойынша өтiнiш жасап келген жекелеген шетелдiктер бойынша «азаматтығынан айрылудан» бастап «шетелге тұрақты тұруға кетуге» байланысты ҚР жеке куәлiгiнiң жарамсыздығы себебi туралы ақпараттың өзектiлiгi арттырылды.

Бұл ретте басқа да жағдайлар бойынша жұмыстар атқарылып жатыр. Бұл жағдайлар ҚР IIМ көшi-қон қызметi комитетi жұмыскерлерiнiң тиiстi тексерулерiнен кейiн реттеледi.

Бұдан басқа, БЖЗҚ апта сайын кейбiр адамдарға қатысты «Жеке тұлғалар» Мемлекеттiк дерекқорындағы мәлiметтердi өзектi қылу бойынша мониторинг жүргiзiп келедi. Өйткенi, БЖЗҚ «Жеке тұлғалар» Мемлекеттiк дерекқорында бұл адамдар бойынша Қазақстаннан тыс жерлерге тұрақты тұруға кету туралы мәлiметтердiң жоқтығына байланысты оларға зейнетақы жинақтарын төлеуден бас тартқан болатын.

Ал Қазақстаннан тыс жерлерге тұрақты тұруға кетуге қатысты мәлiметтер жаңартылған сәтте БЖЗҚ алушыларға зейнетақы жинақтарын алу туралы өтiнiштi рәсiмдеу керектiгi жайында хабарлайды.

2017 жылғы 17 мамырдағы жағдай бойынша бұған дейiн өтiнiш бiлдiрген 250 адам бойынша «Жеке тұлғалар» Мемлекеттiк дерекқорындағы мәлiметтер жаңартылды.

Демек, алушылар БЖЗҚ-ға ҚР Iшкi iстер министрлiгi «Жеке тұлғалар» Мемлекеттiк дерекқорына Қазақстаннан тыс жерлерге тұрақты тұруға кету туралы мәлiметтердi жiберiп үлгермей жатып асығыс өтiнiш жасап жатыр деген сөз.

БЖЗҚ-ға ұсыну тәсiлiне қарай (өзi келiп өтiнiш жасағанда, үшiншi тұлға немесе пошта байланысы арқылы жiбергенде) барлық қажеттi құжаттар тiзiлiмi, оларды рәсiмдеуге қатысты талаптар,

сондай-ақ өтiнiш бланкалары және оларды толтыру үлгiлерi, сенiмхат үлгiлерi,

әр түрлi мемлекеттiк органдардың түсiндiрмелерi Бiрыңғай жинақтаушы зейнетақы қорының корпоративтiк веб-сайтының www.enpf.kz мекенжайында орналастырылған. Ондағы ақпараттар тұрақты негiзде жаңартылып отырады.

БЖЗҚ 2013 жылғы 22 тамызда «ГНПФ» ЖЗҚ» АҚ негiзiнде құрылды. БЖЗҚ құрылтайшысы және акционерi — Қазақстан Республикасы Қаржы министрлiгiнiң «Мемлекеттiк мүлiк және жекешелендiру комитетi» ММ арқылы Қазақстан Республикасының Үкiметi. БЖЗҚ зейнетақы активтерiн сенiмгерлiкпен басқаруды Қазақстан Республикасының Ұлттық Банкi жүзеге асырады. 2016 жылғы 1 қаңтардан бастап зейнетақы активтерiн басқару тиiмдiлiгiн арттыру бойынша ұсыныстар жасау қызметi Қазақстан Республикасының Президентi басшылық ететiн Ұлттық қорды басқару кеңесiне берiлдi.

Зейнетақы заңнамасына сәйкес БЖЗҚ мiндеттi зейнетақы жарналарын, мiндеттi кәсiптiк зейнетақы жарналарын, ерiктi зейнетақы жарналарын тартуды, зейнетақы төлемдерiн, зейнетақы жинақтары мен төлемдерiн жеке есепке алуды жүзеге асырады, салымшыға (алушыға) зейнетақы жинақтарының жай-күйi туралы ақпарат бередi (толығырақ www.enpf.kz сайтында).

«БЖЗҚ» АҚ баспасөз орталығы
БАҚ үшiн байланыстар: press@enpf.kz

Парақтағы соңғы өзгерістер:: 08.06.2017 12:09
@2017 «Сандықтау ауданы әкімінің аппараты» MM
Яндекс.Метрика

Телефон:

Электрондық пошта адресі:

8 (71640) 9-17-42;

sandakimat@mail.ru