A- A A+
«Сандықтау ауданы әкімінің аппараты» MM
Нормативтік база

Ауылдық елдi мекендерге жұмыс iстеу және тұру үшiн келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк кешен саласындағы мамандарға әлеуметтiк қолдау шараларын ұсыну қағидаларын бекiту туралы

Қазақстан Республикасы Ұлттық экономика министрiнiң 2014 жылғы 6 қарашадағы № 72 бұйрығы. Қазақстан Республикасының Әдiлет министрлiгiнде 2014 жылы 9 желтоқсанда № 9946 тiркелдi

«Агроөнеркәсiптiк кешендi және ауылдық аумақтарды дамытуды мемлекеттiк реттеу туралы» 2005 жылғы 8 шiлдедегi Қазақстан Республикасының Заңының 6-бабының 2-тармағының 3-1) тармақшасына сәйкес БҰЙЫРАМЫН:

1. Ауылдық елдi мекендерге жұмыс iстеу және тұру үшiн келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк кешен саласындағы мамандарға әлеуметтiк қолдау шараларын ұсыну қағидалары бекiтiлсiн.

2. Өңiрлiк саясат және жергiлiктi өзiн өзi басқаруды дамыту департаментi (С.Тұңғышбеков):

1) осы бұйрықтың Қазақстан Республикасы Әдiлет министрлiгiнде мемлекеттiк тiркелуiн және оның «Әдiлет» ақпараттық-құқықтық жүйесiнде және ресми бұқаралық ақпарат құралдарында жариялануын;

2) осы бұйрықтың Қазақстан Республикасы Ұлттық экономика министрлiгiнiң ресми интернет-ресурсында жариялануын қамтамасыз етсiн.

3. Осы бұйрықтың орындалуын бақылау Қазақстан Республикасы Ұлттық экономика вице-министрi Қ.А. Өскенбаевқа жүктелсiн.

4. Осы бұйрық алғашқы ресми жарияланған күнiнен кейiн күнтiзбелiк он күн өткен соң қолданысқа енгiзiледi.

Министр Е. Досаев

Қазақстан Республикасы

Ұлттық экономика министрiнiң

2014 жылғы 6 қарашадағы

№ 72 бұйрығымен бекiтiлген

Ауылдық елдi мекендерге жұмыс iстеу және тұру үшiн келген

денсаулық сақтау, бiлiм беру, әлеуметтiк қамсыздандыру,

мәдениет, спорт және агроөнеркәсiптiк кешен саласындағы

мамандарға әлеуметтiк қолдау шараларын ұсыну қағидалары

1. Осы Ауылдық елдi мекендерге жұмыс iстеу және тұру үшiн келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк кешен саласындағы мамандарға әлеуметтiк қолдау шараларын ұсыну қағидалары (бұдан әрi — Қағидалар) «Агроөнеркәсiптiк кешендi және ауылдық аумақтарды дамытуды мемлекеттiк реттеу туралы» 2005 жылғы 8 шiлдедегi Қазақстан Республикасының Заңына (бұдан әрi — Заң) және Қазақстан Республикасының бюджет заңнамасына сәйкес әзiрлендi, ауылдық елдi мекендерге жұмыс iстеу және тұру үшiн келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк кешен саласындағы мамандарға (бұдан әрi — мамандар) бюджет қаражаты есебiнен көтерме жәрдемақы және тұрғын үй сатып алуға немесе салуға бюджеттiк кредит түрiнде әлеуметтiк қолдау шараларын ұсыну шарттары мен тәртiбiн айқындайды.

2. Заңның 18-бабының 8-тармағында көрсетiлген мамандарға көтерме жәрдемақы және тұрғын үй алу немесе салу үшiн әлеуметтiк қолдау көрсетiледi.

3. Бюджеттiк кредиттер облыстардың жергiлiктi атқарушы органдарына мынадай талаптарда:

ауылдық елдi мекендерге жұмыс iстеу және тұру үшiн келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк кешен саласындағы мамандардың тұрғын үй сатып алуы немесе салуы үшiн оларға кейiннен теңгемен 15 (он бес) жылға дейiнгi мерзiмге жылдық 0,01 % мөлшерiндегi сыйақы мөлшерлемесi бойынша бере отырып кредиттiк шарттар жасасу арқылы берiледi;

кредиттердi игеру кезеңi кредитордың шотынан кредиттер аударылған сәттен бастап есептеледi және 22 (жиырма екi) айды құрайды.

4. Ауданның (облыстық маңызы бар қаланың) жергiлiктi өкiлдi органы (мәслихат), аудан (облыстық маңызы бар қала) әкiмi мәлiмдеген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк кешен саласындағы мамандарға қажеттiлiктi ескере отырып, жыл сайын мамандарға көтерме жәрдемақы және тұрғын үй сатып алу немесе салу үшiн бюджеттiк кредит беру туралы шешiм қабылдайды.

5. Мамандарға әлеуметтiк қолдау шараларын көрсету бойынша жұмысты ұйымдастыру үшiн аудан (облыстық маңызы бар қаланың) әкiмдiгi аудандық (облыстық маңызы бар қалалық) мәслихаттың депутаттарынан, ауданның (облыстық маңызы бар қаланың) атқарушы органдарының және қоғамдық ұйымдардың өкiлдерiнен тұратын, тұрақты жұмыс iстейтiн комиссия (бұдан әрi — комиссия) құрады.

Комиссияның отырысы қажеттiлiгiне қарай шақырылады және құрамына кiретiн мүшелерiнiң жартысынан астамы қатысса, жиналыс заңды болып саналады.

6. Ауылдық аумақтарды дамыту жөнiндегi аудандық (облыстық маңызы бар қалалық) уәкiлеттi орган комиссияның жұмыс органы болып табылады (бұдан әрi — Әкiмшi).

7. Денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк кешен саласындағы мамандар үшiн тұрғын үй сатып алуға немесе салуға бюджеттiк кредит беру сенiм бiлдiрiлген өкiлмен (агентпен) шарт болған жағдайда жүзеге асырылады.

Аудан (облыстық маңызы бар қала) әкiмi Қазақстан Республикасының заңнамасына сәйкес мамандарға тұрғын үй сатып алу немесе салу үшiн кредит беру жөнiндегi бюджеттiк бағдарламаны iске асыру бойынша сенiм бiлдiрiлген өкiлмен (агентпен) тапсырыс шартын жасасады.

Бюджеттiк заңнамаға сәйкес сенiм бiлдiрiлген өкiлдiң (агенттiң) мамандарға тұрғын үй сатып алу немесе салу үшiн кредит беру жөнiндегi бюджеттiк бағдарламаны iске асыру бойынша операциялық қызметтерiне арналған шығындарды өтеу үшiн қаражат жалпы сипаттағы трансферттер және/немесе жергiлiктi бюджет шеңберiнде көзделедi.

8. Әлеуметтiк қолдау шараларын алу үшiн маман әкiмшiге мынадай құжаттарды ұсынады:

1) көтерме жәрдемақы алған кезде:

осы Қағидаларға 1-қосымшаға сәйкес нысан бойынша өтiнiш;

жеке басын куәландыратын құжаттың көшiрмесi;

жаңа жұмыс орны бойынша кадр қызметi растаған еңбек кiтапшасының көшiрмесi;

бiлiмi туралы дипломының көшiрмесi;

көшi-қон қызметiнен алдыңғы тiркелген жерi туралы мәлеметтер;

тиiстi елдi мекенде тұратындығын растайтын тұрғылықты жерiнен мекенжай анықтамасы;

2) көтерме жәрдемақыны және тұрғын үй сатып алуға бюджеттiк кредит алған кезде;

осы Қағидаларға 1-қосымшаға сәйкес нысан бойынша өтiнiш;

жеке басын куәландыратын құжаттың көшiрмесi;

жаңа жұмыс орны бойынша кадр қызметi растаған еңбек кiтапшасының көшiрмесi;

бiлiмi туралы дипломының көшiрмесi;

сатып алынатын жылжымайтын мүлiктi бағалау актiсi;

көшi-қон қызметiнен алдыңғы тiркелген жерi туралы мәлеметтер;

тиiстi елдi мекенде тұратындығын растайтын тұрғылықты жерiнен мекенжай анықтамасы;

неке туралы куәлiк көшiрмесi (некеде тұрған мамандар үшiн);

аталған ауылдық елдi мекенде маманның, оның жұбайының және балаларының жылжымайтын мүлкiнiң болмауы (болуы) туралы анықтама;

3) көтерме жәрдемақы және тұрғын үй салуға бюджеттiк кредит алған кезде:

осы Қағидаларға 1-қосымшаға сәйкес нысан бойынша өтiнiш;

жеке басын куәландыратын құжаттың көшiрмесi;

жаңа жұмыс орны бойынша кадр қызметi растаған еңбек кiтапшасының көшiрмесi;

бiлiмi туралы дипломының көшiрмесi;

көшi-қон қызметiнен алдыңғы тiркелген жерi туралы мәлеметтер;

тиiстi елдi мекенде тұратындығын растайтын тұрғылықты жерiнен мекенжай анықтамасы;

неке туралы куәлiк көшiрмесi (некеде тұрған мамандар үшiн);

аталған ауылдық елдi мекенде маманның, оның жұбайының және балаларының жылжымайтын мүлкiнiң болмауы (болуы) туралы анықтама;

маманның атына тұрғын үй салу үшiн берiлген жер учаскесiн пайдалану құқығына акт;

кепiлге қойылған мүлiктi бағалау актiсi;

кепiлге қойылған мүлiктi сақтандыру шарты;

берiлетiн кредит мөлшерiнен асатын тұрғын үй құрылысы бөлiгiн бiрлесiп қаржыландыруға жазбаша келiсiм.

Құжаттар салыстыру үшiн түпнұсқада және көшiрме түрiнде ұсынылады, содан кейiн құжаттардың түпнұсқасы маманға қайтарылады.

Осы Қағидаларда көзделмеген басқа да құжаттарды ұсынуды талап етуге жол берiлмейдi.

9. Әкiмшi әлеуметтiк қолдау шараларын алуға үмiткер мамандардың құжаттарын қабылдауды және тiркеудi жүзеге асырады, ұсынылған құжаттардың дұрыстығын тексередi, қаржы қаражатының қажеттiлiгiн есептеудi жүргiзедi және құжаттарды қабылдаған күннен бастап бес күнтiзбелiк күн iшiнде комиссияға жiбередi.

10. Комиссия Әкiмшiден құжаттардың келiп түскен күнiнен бастап он күнтiзбелiк күннiң iшiнде ұсынылған құжаттарды қарайды және аудан (облыстық маңызы бар қала) әкiмдiгiне маманға әлеуметтiк қолдау шараларын көрсетуге ұсыным жасайды.

Әлеуметтiк қолдау шараларын ұсынудан бас тартылған жағдайда, Әкiмшi үш жұмыс күнi iшiнде маманға дәлелдi жауап жолдайды.

Осы Қағидалардың 8-тармағында көрсетiлген құжаттарды дұрыс немесе толық топтамасын ұсыну фактiсi, сондай-ақ маманның осы Қағидалардың 2-тармағының талаптарға сәйкес келмеуi бас тарту үшiн негiздеме болып табылады.

11. Аудан (облыстық маңызы бар қала) әкiмдiгi комиссияның ұсынымы келiп түскен сәттен бастап он күнтiзбелiк күннiң iшiнде мамандарға әлеуметтiк қолдау шараларын ұсыну туралы қаулы қабылдайды.

12. Осы Қағидалардың 11-тармағында көрсетiлген қаулы қабылданғаннан кейiн жетi күнтiзбелiк күннiң iшiнде Әкiмшi, маман және сенiм бiлдiрiлген өкiл (агент) арасында осы Қағидаларға 2-қосымшаға сәйкес нысан бойынша мамандарға әлеуметтiк қолдау шараларын ұсыну туралы келiсiм жасалады.

13. Келiсiм жасалғаннан кейiн:

1) Әкiмшi жетi күнтiзбелiк күннiң iшiнде көтерме жәрдемақысының сомасын мамандардың жеке есеп шоттарына аударады;

2) сенiм бiлдiрiлген өкiл (агент) отыз жұмыс күнi iшiнде Қазақстан Республикасының заңнамасында белгiленген тәртiппен маманға тұрғын үй сатып алуға немесе салуға кредит бередi.

14. Маманның кредит бойынша мiндеттемелердi орындауы:

1) ол сатып алған тұрғын үйдi кепiлге қоюмен;

2) салынған тұрғын үйдi кейiннен кепiлге қоюмен өзге жылжымайтын өтiмдi мүлiкпен қамтамасыз етiледi.

15. Тұрғын үйдi сатып алу және салу үшiн бюджеттiк кредиттердi беру, өтеу және қызмет көрсету бойынша қосымша шарттар кредиттiк шартта белгiленедi.

16. Қайталама нарықта тұрғын үйдi сатып алу-сату шарты немесе салынған тұрғын үйдi пайдалануға беру актiсi тұрғын үй сатып алуға немесе салуға арналған бюджеттiк кредит сомасын мақсатты пайдалануды растау болып табылады.

17. Бөлiнген бюджет қаражатының пайдаланылуын бақылау Қазақстан Республикасының қолданыстағы заңнамасына сәйкес жүзеге асырылады.

18. Тұрғын үй салу үшiн бюджеттiк кредит беруге маман әлеуметтiк қолдау шараларын ұсыну туралы өтiнiшпен және осы Қағидалардың 8-тармағының талаптарына сәйкес құжаттардың толық тiзбесiмен Әкiмшiге жүгiнедi.

19. Маманның тұрғын үй салу үшiн бюджеттiк кредит беру туралы өтiнiшiн қарау тәртiбi осы Қағидалардың 9-10-тармақтарына сәйкес жүзеге асырылады.

20. Аудан (облыстық маңызы бар қала) әкiмдiгi комиссиядан ұсыным келiп түскен сәттен бастап күнтiзбелiк 7 күн iшiнде маманға мынадай шарттарды ескере отырып, тұрғын үйлердiң үлгiлiк жобаларының нұсқаларын ұсынады:

1) тұрғын үйдiң бiр шаршы метрiнiң құны қырық алты айлық есептiк көрсеткiштен аспауға тиiс;

2) тұрғын үй құрылысының жалпы сметалық құны берiлетiн кредиттiң екi еселiк мөлшерiнен аспауға тиiс;

3) тұрғын үй құрылысының ең ұзақ мерзiмi кредит берген сәттен бастап он екi айдан аспауға тиiс.

21. Маман үлгiлiк жобалардың ұсынылған нұсқаларымен жазбаша түрде келiскен жағдайда аудан әкiмдiгi (облыстық маңызы бар қала) келiсiм алған сәттен бастап күнтiзбелiк он күн iшiнде тұрғын үй салуға бюджеттiк кредит беру туралы қаулы қабылдайды.

22. Осы Қағидалардың 21-тармағында көрсетiлген қаулы қабылданғаннан кейiн күнтiзбелiк 7 күннiң iшiнде Әкiмшi, маман және сенiм белдiрiлген өкiл (агент) арасында осы Қағидаларға 2-қосымшаға сәйкес нысан бойынша Тұрғын үй салу үшiн бюджеттiк кредит беру туралы келiсiм жасалады.

23. Тұрғын үй салу үшiн бюджеттiк кредит беру осы Қағидалардың 13-15-тармақтарына сәйкес жүзеге асырылады.

24. Сома банктiк шотқа аударылғаннан кейiн маман кемiнде он жұмыс күнiнен бұрын Қазақстан Республикасының заңнамасында белгiленген тәртiппен, мемлекеттiк сәулет-құрылыс бақылауды жүзеге асыратын органдарға тұрғын үй құрылысының басталғаны туралы хабарлайды.

25. Құрылыс аяқталғаннан кейiн маман Қазақстан Республикасының қолданыстағы заңнамасына сәйкес тұрғын үйдi пайдалануға берудi жүзеге асырады.

26. Маман салған тұрғын үй пайдалануға берiлгеннен және оны ғимараттарды, құрылыстар мен (немесе) олардың құрамдастарын мемлекеттiк техникалық тексерудi жүзеге асыратын ұйымға тiркелгеннен кейiн тараптардың келiсiмi бойынша салынған тұрғын үйге бұрын берiлген кепiлдi ауыстыру мүмкiн.

Ауылдық елдi мекендерге жұмыс iстеу

және тұру үшiн келген денсаулық

сақтау, бiлiм беру, әлеуметтiк

қамсыздандыру, мәдениет, спорт және

агроөнеркәсiптiк кешен саласындағы

мамандарға әлеуметтiк қолдау

шараларын ұсыну қағидаларына

1-қосымша

_________________________ облысы

______________________ ауданының

(облыстық маңызы бар қаланың) әкiмi

________________________________

тегi, аты-жөнi

________________________________

мекенжайы бойынша тұратын өтiнiш

берушiнiң

________________________________

тегi, аты, әкесiнiң аты

________________________________

жұмыс орны, лауазымы

Нысан

Өтiнiш

Сiзден Келiсiмнiң (қоса берiледi) мөлшерiнде және шарттарында

маған көтерме жәрдемақы төлеуiңiздi және/немесе тұрғын үй сатып

алуға/салуға (қажеттiсiн сызу) бюджеттiк кредит ресiмдеуге құқық

беруiңiздi сұраймын.

__________ ____________

күнi қолы

Құжаттар қабылданды:

20__ жылғы «___» _______

_______ _____________________________________________________________

қолы құжаттарды қабылдаған лауазымды тұлғаның Т.А.Ә.

_____________________________________________________________________

(кесу сызығы)

Өзгерiстер туындаған жағдайда, олар туралы 15 жұмыс күн iшiнде

хабарлауға мiндеттенемiн. Дұрыс емес мәлiметтер мен жасанды құжаттар

бергенiм үшiн жауапкершiлiк туралы ескертiлдiм.

Азамат ____________ өтiнiшi қоса берiлген саны ________ дана

құжаттармен бiрге 20__ жылғы «__» _______________________ қабылданды.

____________ ________________________________________________________

қолы құжаттарды қабылдаған лауазымды тұлғаның Т.А.Ә.

Ауылдық елдi мекендерге жұмыс iстеу

және тұру үшiн келген денсаулық

сақтау, бiлiм беру, әлеуметтiк

қамсыздандыру, мәдениет, спорт және

агроөнеркәсiптiк кешен саласындағы

мамандарға әлеуметтiк қолдау

шараларын ұсыну қағидаларына

2-қосымша

Нысан

Ауылдық елдi мекендерге жұмыс iстеу және тұру үшiн келген

денсаулық сақтау, бiлiм беру, әлеуметтiк қамсыздандыру,

мәдениет, спорт және агроөнеркәсiптiк кешен мамандарына

әлеуметтiк қолдау шараларын ұсыну туралы

келiсiм

Елдi мекен _________ 20 ___ жылғы «__» ______________ Бұдан әрi

«Әкiмшi» деп аталатын «__________________» мемлекеттiк мекемесi

атынан басшы ________________________ бiр тараптан, бұдан әрi «Алушы»

деп аталатын әлеуметтiк көмек алушы _________________________, басқа

тараптан және бұдан әрi «Сенiм бiлдiрiлген өкiл (агент)» деп аталатын

________________________________________ үшiншi тараптан төмендегiлер

туралы осы өзара мiндеттемелер келiсiмiн жасасты:

1. Келiсiмнiң мәнi

Тараптар өзара жауапкершiлiктi және келiсiмдi ескере отырып,

ешқандай тараптан мәжбүр етiлмей тараптар толық көлемде орындауы тиiс

мiндеттемелер қабылдайды, атап айтқанда:

1. Әкiмшi, _______________________________________ мәслихатының

(20 ___ жылғы «__» _______ №______) шешiмiнiң негiзiнде өзiне мынадай

түрдегi әлеуметтiк қолдау шараларын ұсыну мiндеттемелерiн қабылдайды:

1) ______________________________________________________ теңге

мөлшерiнде көтерме жәрдемақы;

2) ___ жыл мерзiмге ___________________________________________

теңге сомасында тұрғын үй сатып алуға немесе салуға бюджеттiк кредит.

2. Алушы өзiне жоғарыда көрсетiлген әлеуметтiк қолдау шараларын

алған кезде ___________ ауылдық елдi мекенiнде орналасқан (денсаулық

сақтау, бiлiм беру, әлеуметтiк қамсыздандыру, мәдениет, спорт,

агроөнеркәсiптiк кешен) ұйымында кемiнде үш жыл қызмет iстеуге

мiндеттеме қабылдайды.

3. Сенiм бiлдiрiлген өкiл (агент) өзiне тапсырма шарты

негiзiнде әкiмшiнiң атынан және оның есебiнен және оның нұсқауына

сәйкес бюджеттiк кредит беруге байланысты белгiлi бiр тапсырмаларды

орындауға мiндеттеме қабылдайды.

2. Тараптардың құқықтары мен мiндеттемелерi

1. Әкiмшi:

1) алушыдан осы Келiсiмге сәйкес өзiне алған мiндеттемелердi адал және тиiсiнше орындауды талап етуге құқылы.

2. Әкiмшi:

1) аудан (облыстық маңызы бар қала) әкiмдiгiнiң қаулысы қабылданғаннан кейiн он жұмыс күнi iшiнде және осы Келiсiм негiзiнде көтерме жәрдемақысының тағайындалған сомасын алушының жеке есеп шотына аударуға мiндеттi.

3. Алушының:

1) комиссияның жұмыс органының талабы бойынша қажеттi құжаттарды тапсыру кезiнде әлеуметтiк қолдау шараларын ерiктi түрде таңдауға;

2) үш жыл мерзiм өткенге дейiн, өндiрiстiк жағдайларға немесе әкiмшiлiктiң бастамасына байланысты басқа ауылдық елдi мекендерге жұмысқа ауысқан кезде алынған әлеуметтiк қолдау шараларына құқығын сақтауға құқығы бар.

4. Алушы:

1) әлеуметтiк қолдау шараларын алған күннен бастап 60 жұмыс күнi iшiнде комиссияның жұмыс органына бюджет қаражатының мақсатты пайдаланылғаны туралы растау құжаттарын беруге;

2) меншiгiне сатып алынған/салынған жылжымайтын мүлiктi әдiлет органдарында тiркегеннен кейiн сенiм бiлдiрiлген өкiлге (агентке) тұрғын үйге арналған құжаттардың түпнұсқаларын осы Келiсiмдi кемiнде үш жыл мерзiмге қамтамасыз ету жөнiндегi кепiл ретiнде беруге;

3) жұмыс органына тоқсан сайын жұмыс орнынан анықтама ұсынуға;

4) жыл сайын ХҚКО жұмыс органына мекенжай анықтамасын ұсынуға;

5) осы Келiсiмнiң шарттары орындалмаған жағдайда әлеуметтiк қолдау шаралары ретiнде алынған бюджет қаражатын толық көлемде қайтаруды қамтамасыз етуге мiндеттi.

5. Сенiм бiлдiрiлген өкiлдiң (агент):

1) алушымен есеп айырысуды жүргiзуге;

2) алушының қаржылық жағдайына мониторинг жүргiзуге құқығы бар.

6. Сенiм бiлдiрiлген өкiл (агент):

1) Қазақстан Республикасының қолданыстағы заңнамасына сәйкес бюджеттiк кредитке қызмет көрсетуге;

2) кредиттiк шарт бойынша әлеуметтiк қолдау шараларын алған маман мiндеттемелерiнiң орындалуына мониторинг жүргiзуге;

3) Қазақстан Республикасының қолданыстағы заңнамасына сәйкес алушылардан берешектi өндiрiп алуды жүзеге асыруға мiндеттi.

3. Дауларды шешу

1) Осы Келiсiмдi орындау кезiнде туындауы мүмкiн барлық мәселелер мен келiспеушiлiктер мүмкiндiгiне қарай тараптардың арасында келiссөздер жолымен шешiлетiн болады.

2) Егер даулар мен келiспеушiлiктер келiссөздер жолымен реттелмейтiн болса, олар Қазақстан Республикасының қолданыстағы заңнамасына сәйкес сот тәртiбiмен шешiлуге тиiс.

4. Келiсiмнiң қолданылу мерзiмi

1) Осы Келiсiм тараптар оған қол қойған күннен бастап күшiне енедi.

Келiсiм 20___ жылғы «__» _________________ бастап қолданылады.

2) Келiсiм бiрдей заң күшi бар үш данада жасалды.

5. Тараптардың заңды мекенжайлары

Әкiмшi Алушы Сенiм бiлдiрiлген өкiл (агент)

____________________ ________________ _______________________________

____________________ ________________ _______________________________

____________________ ________________ _______________________________

Парақтағы соңғы өзгерістер:: 16.02.2017 10:44
@2017 «Сандықтау ауданы әкімінің аппараты» MM
Яндекс.Метрика

Телефон:

Электрондық пошта адресі:

8 (71640) 9-17-42;

sandakimat@mail.ru