A- A A+
«Сандықтау ауданы әкімінің аппараты» MM
2017 жылғы 1 мамырдағы БЖЗҚ негізгі көрсеткіштеріне қысқаша шолу

2017 жылғы 1 мамырдағы БЖЗҚ негiзгi көрсеткiштерiне қысқаша шолу

Алматы, Қазақстан. 2017 жылдың 4 айы iшiнде зейнетақы жинақтарының таза инвестициялық табысы 92,2 млрд теңгенi құрады.

2017 жылғы 1 мамырдағы жағдай бойынша зейнетақы жинақтарының жалпы сомасы 6,93 трлн. теңге болды және өткен жылмен салыстырғанда (2017 жылдың 1 қаңтарындағы жағдай бойынша зейнетақы жинақтарының сомасы 6,69 трлн теңге болған) 240 млрд теңгеге өстi.

2017 жылғы 1 мамырда шарттардың барлық түрлерi бойынша салымшылардың (алушылардың) жеке зейнетақы шоттарының (ЖЗШ) саны 10,05 млн. бiрлiк, оның iшiнде мiндеттi зейнетақы жарналары (МЗЖ) есебiнен 9,58 млн. бiрлiк болды.

2017 жылғы 1 мамырда мiндеттi кәсiптiк зейнетақы жарналары (МКЗЖ) бойынша салымшылардың ЖЗШ саны 428 мың бiрлiк, ал ерiктi зейнетақы жарналары (ЕЗЖ) бойынша 39 мың бiрлiк болды. Ал ағымдағы жылдың 1 қаңтарында бұл көрсеткiштер сәйкесiнше 420 мың және 39 мың бiрлiктi құраған болатын.

«Қазақстан Республикасында зейнетақымен қамсыздандыру туралы» ҚР Заңына сәйкес

зейнетақы төлемдерiн алу құқығы туындаған шақта бiрыңғай жинақтаушы зейнетақы қорындағы мiндеттi зейнетақы жарналарының, мiндеттi кәсiптiк зейнетақы жарналарының, инфляция деңгейiн ескере отырып, нақты енгiзiлген мөлшерiнде сақталуына мемлекет тарапынан кепiлдiк берiлген.

2017 жылдың 4 айы iшiнде түсiмдердiң жалпы сомасы 240 млрд теңгенi құрады. Осы кезеңде БЖЗҚ-дан зейнетақы төлемдерiнiң сомасы 91,3 млрд теңге, оның iшiнде сақтандыру ұйымдарына жасалған аударымдар 8,03 млрд теңге болды. Салыстырып қарайтын болсақ, 2016 жылдың осы кезеңiнде түсiмдердiң жалпы сомасы 219,7 млрд теңге, ал төлемдер 73,23 млрд теңге болған едi.

2017 жылдан бастап зейнеткерлер мен 1 және 2 топтағы мүгедектерге БЖЗҚ-дан төленетiн зейнетақы төлемдерiнiң мөлшерi артып жатыр.

Егер 2017 жылдың 1 қаңтарынан бастап зейнеткерлер мен 1 және 2 топтағы мүгедектерге төленетiн зейнетақы төлемдерiнiң жылдық мөлшерi шамамен 844 мың теңгенi құраса, 2017 жылдың 1 шiлдесiнен бастап оның мөлшерi 937 мың теңгенi құрайды, яғни 11 пайызға өсiп отыр.

Салымшы (алушы) өзiнiң ЖЗШ-сындағы зейнетақы жинақтарының жай-күйi туралы (оның iшiнде есептелген инвестициялық табыс туралы) ақпаратты БЖЗҚ-ның 231 дербес қызмет көрсету орталықтарының бiрiнен, сондай-ақ пошта байланысы, электрондық пошта, БЖЗҚ сайты немесе ұялы қосымша арқылы ала алады.

2017 жылдың 4 айы iшiнде БЖЗҚ-ның дербес қызмет көрсету орталықтарында 1,9 млн. операция, оның iшiнде МЗЖ, МКЗЖ және ЕЗЖ бойынша ЖЗШ ашу үшiн шамамен 107 мың шарт жасалды, 300 мыңнан астам үзiндi-көшiрме берiлдi және басқа да операциялар жүзеге асырылды.

Соңғы уақытта адамдар ұтқырлығы, ыңғайлығы және уақытты үнемдеуге мүмкiндiк беретiндiгiнiң арқасында көбiнесе зейнетақы жинақтарының жай-күйi туралы ақпарат алудың электрондық тәсiлiн таңдап жатыр. Мысалы, 3,4 миллионға жуық адам зейнетақы шотының жай-күйi туралы ақпарат алу тәсiлi ретiнде электрондық хабарлау тәсiлiн таңдаған. 193 мыңға жуық адам өздерiнiң электрондық мекенжайына үзiндi-көшiрмелер алады, ал 3,2 миллион адам бұл үшiн Қордың ресми сайтын немесе әртүрлi операциялық жүйелерде жұмыс iстейтiн смартфондар мен планшеттерге арналған «ENPF» ұялы қосымшасын пайдаланады.

2017 жылғы 1 мамырдағы жағдай бойынша ұялы қосымшаны жүктеп алу саны 743,6 мың болды. Осылайша, жыл басынан берi жүктеп алу саны 234 мыңға дерлiк көбейдi немесе 46 пайызға артты.

Одан басқа, 2017 жылғы 1 мамырдағы жағдай бойынша «Бiрыңғай жинақтаушы зейнетақы жүйесi салымшысының (алушысының) зейнетақы жинақтарының (инвестициялық кiрiстерiн ескере отырып) жай-күйi туралы ақпарат беру» қызметi арқылы электрондық үкiмет порталы арқылы салымшылардың (алушылардың) жеке зейнетақы шоттарынан 395 мың үзiндi-көшiрме берiлген. Салыстыратын болса, осы портал арқылы ағымдағы жылдың басындағы жағдай бойынша 352 мың үзiндi-көшiрме берiлген едi.

Салымшы (алушы) БЖЗҚ-ға өзi келiп, не болмаса 1418 тегiн нөмiрiне қоңырау шала отырып телефон арқылы, әлеуметтiк желiлер, сондай-ақ қашықтықтан: Қордың корпоративтiк сайтындағы «Керi байланыс» нысаны, «онлайн-чат», «Төрайымның Блогы» және «Қоғамдық қабылдау» арқылы құпия ақпараттан басқа барлық өзiн қызықтырған мәселелер бойынша кеңес ала алады.

БЖЗҚ 2013 жылғы 22 тамызда «ГНПФ» ЖЗҚ» АҚ негiзiнде құрылды. БЖЗҚ құрылтайшысы және акционерi — Қазақстан Республикасы Қаржы министрлiгiнiң «Мемлекеттiк мүлiк және жекешелендiру комитетi» ММ арқылы Қазақстан Республикасының Үкiметi. БЖЗҚ зейнетақы активтерiн сенiмгерлiкпен басқаруды Қазақстан Республикасының Ұлттық Банкi жүзеге асырады. 2016 жылғы 1 қаңтардан бастап зейнетақы активтерiн басқару тиiмдiлiгiн арттыру бойынша ұсыныстар жасау қызметi Қазақстан Республикасының Президентi басшылық ететiн Ұлттық қорды басқару кеңесiне берiлдi.

Зейнетақы заңнамасына сәйкес БЖЗҚ мiндеттi зейнетақы жарналарын, мiндеттi кәсiптiк зейнетақы жарналарын, ерiктi зейнетақы жарналарын тартуды, зейнетақы төлемдерiн, зейнетақы жинақтары мен төлемдерiн жеке есепке алуды жүзеге асырады, салымшыға (алушыға) зейнетақы жинақтарының жай-күйi туралы ақпарат бередi (толығырақ www.enpf.kz сайтында).

«БЖЗҚ» АҚ баспасөз орталығы
БАҚ үшiн байланыстар: press@enpf.kz

Парақтағы соңғы өзгерістер:: 08.06.2017 12:05
@2017 «Сандықтау ауданы әкімінің аппараты» MM
Яндекс.Метрика

Телефон:

Электрондық пошта адресі:

8 (71640) 9-17-42;

sandakimat@mail.ru