A- A A+
«Сандықтау ауданы әкімінің аппараты» MM
«БЖЗҚ» АҚ-ның 2016 жылғы және 2017 жылдың 1 ширегіндегі қызметінің қорытындылары

АҚПАРАТТЫҚ ХАБАРЛАМА
2017 жылдың «26» сәуiрi

Алматы, Қазақстан — БЖЗҚ-нда 2016 жылғы зейнетақы және өзiндiк активтерi бойынша қаржылық есептiлiгiне сыртқы аудит жүргiзiлдi. Тәуелсiз аудиторлық компанияның қорытындысына сәйкес, зейнетақы активтерi бойынша қаржылық есептiлiк қолданыстағы барлық аспекттерде «Зейнетақы активтерi бойынша операциялар туралы ақпаратты есепке алу мен ашып көрсету» қаржылық есептiлiк стандартына сәйкестiктi расталған. Бұл зейнетақы актвитерiнiң сақталуын, олардың есебiнiң дұрыстығын, зейнетақы активтерi инвестицияланған қаржылық құралдардың әдiл құнын бағалау дұрыстығын дәлелдейдi.

2017 жылғы 1 қаңтардағы жағдай бойынша, зейнетақы жинақтарының жалпы сомасы 6,69 трлн теңге болса, оның 20,2%-ын (1,35 трлн теңге) инвестициялық табыс құрады. Алдын ала мәлiметтер бойынша, БЖЗҚ-нда шоғырланған зейнетақы активтерi сомасының 2016 жылғы ҚР ЖIӨ сомасына қатынасы 15,1% құрайды.

2016 жылғы 1 қаңтар — 31 желтоқсан аралығында барлығы 399 мыңнан астам жеке зейнетақы шоты (ЖЗШ) ашылды, оның iшiнде мiндеттi зейнетақы жарналары (МЗЖ) есебiнен 354 813 бiрлiк, мiндеттi кәсiби зейнетақы жарналары (МКЗЖ) есебiнен 37 778 бiрлiк және ерiктi зейнетақы жарналары (ЕЗЖ) есебiнен 6 473 бiрлiк. Осылайша, шарттардың барлық түрi бойынша 2017 жылдың 1 қаңтарына салымшылардың (алушылардың) ЖЗШ-тарының саны 10,04 млн бiрлiктi құраса, оның iшiнде МЗЖ есебiнен — 9,58 млн бiрлiк. Салымшылардың МКЗЖ бойынша ЖЗШ-тары саны 420 мың бiрлiктi құраса, ЕЗЖ бойынша олардың саны 39 мың бiрлiктi құрайды.

2016 жылы БЖЗҚ-нан төленген зейнетақы төлемдерiнiң сомасы 169,69 млрд теңге болса, оның iшiнде сақтандыру ұйымдарына аударылғаны — 22,69 млрд теңге. Салыстыру үшiн келтiрер болсақ, 2015 жылы жүзеге асырылған зейнетақы төлемдерi мен аударымдарының сомасы 141,12 млрд тенге болса, оның iшiнде сақтандыру ұйымдарына аударылғаны — 24,23 млрд тенге болған.

Аудиттен өткен қаржылық есептiлiкке сәйкес, «БЖЗҚ» АҚ өзiндiк капиталы 76,3 млрд теңгенi құрады және есептiк жылда 20,0 млрд теңгеге артқан. Бұл есептiк кезеңдегi бөлiнбеген пайданың артуына байланысты орын алған. Есептiк жылдағы салық салынғаннан кейiнгi таза пайда 21 млрд теңгенi құрады (2015 жыл қорытындысы бойынша «БЖЗҚ» АҚ пайдасы 27,6 млрд теңгенi құрады).

2017 жылғы 1 ширекте зейнетақы активтерi 153,6 млрд теңгеге өсiп, 2017 жылғы 1 сәуiрде 6,84 трлн теңгенi құрады. Барлық зейнетақы жинақтарының негiзгi үлесi — шамамен 98%-ы мiндеттi зейнетақы жарналары есебiнен қалыптасқан. Есептiк ширек кезеңде 87,4 мың ЖЗШ ашылды.

2017 жылғы алғашқы үш айда таза инвестициялық табыстың сомасы 51,45 млрд теңгенi құрады.

2017 жылғы қаңтар-наурызда БЖЗҚ төлемдерiнiң сомасы 77,35 млрд теңгеге тең болды, оның iшiнде сақтандыру ұйымдарына аударымдар 6,04 млрд теңге.

2016 жылы ақпаратты автоматтандырылған қорғау бойынша жұмыстар күшейтiлдi. Қор Қазақстанда алғашқылардың бiрi болып Қордың есептiк мәлiметтер базасында сақталатын конфиденциалды ақпараттың шығып кетуiн болдырмауға арналған КриптоБД мәлiметтер базасын шифрлеу жүйесiн енгiздi. «Эрнст энд Янг — кеңес беру қызметтерi» ЖШС тәуелсiз халықаралық ұйымы жүргiзген техникалық аудит қауiпсiздiк жүйесiнiң халықаралық стандарттарға сәйкес келетiнiн растады. Британиялық стандарттар институтының (BSI) аудитiмен расталған «Салымшылардың жеке зейнетақы шоттарына жарналар аудару және табыстарды бөлу үдерiсi» әрекетi саласы бойынша ISO/IEC 27001:2013 халықаралық стандарты бойынша сертификаттау жүргiзiлдi.

2016 жылы БЖЗҚ корпоративтiк сайтында немесе ENPF ұялы қосымшасы арқылы салымшының жеке кабинетiне тек логин мен пароль арқылы ғана емес, сондай-ақ, электрондық-цифрлық қолтаңбаны да қолданып енуiне мүмкiндiк ашылды. Бұл жеке зейнетақы шотының жай-күйi туралы ақпаратты алуды айтарлықтай жеңiлдетедi. Сондай-ақ, Қордың байланыс орталығына 1418 қысқа номерi арқылы хабарласу мүмкiндiгi пайда болып, салымшылардың зейнетақы жүйесi туралы кез-келген мәселе бойынша кеңес алуын жеңiлдеттi. Бұдан бөлек, автоматты режимде жауаптар алуға болатын жиi қойылатын сұрақтарды қамтитын IVR-мәзiрi арқасында байланыс орталығының қызметтерi тәулiгiне 24 сағат қолжетiмдi болды. 2016 жылы зейнетақы жинақтарын алушыларға олардың зейнетақы төлемдерiнiң статусы туралы СМС-хабарламалар келе бастады.

Сонымен қатар, халықтың әлеуметтiк тұрғыдан осал топтарын қолдау үшiн, мүмкiндiгi шектеулi адамдарға ақпараттық-кеңес беру көмегiн көрсету үшiн «Мобильдiк кеңсе» қызметi жетiлдiрiлдi. Тек 2016 жылы Қор филиалдары қызметкерлерi 15 673 алушымен байланыс орнатып, 2017 жылғы 1 ширек кезеңде Қор филиалдары 4 047 салымшыға (алушыға) қызмет көрсеттi.

2017 жылы Қор алдына жаңа мiндеттер қойылды. «БЖЗҚ» АҚ Басқарма Төрайымы Нұрбүбi Наурызбаева атап өткендей, БЖЗҚ жұмысының басты қағидалары Қор салымшылары мен зейнетақы төлемдерiн алушылардың көзқарастарын қорғау мен қамқор болу, қызмет ашықтығын арттыру және iшкi бақылау жүйесiн күшейту болып табылады.

2017 жылғы бiрiншi ширекте Қордың iшкi үдерiстерiн қайта қарау бойынша ауқымды жұмыс жүргiзiлiп, iшкi бақылау мен тәуекелдердi басқару үдерiстерi күшейтiлдi, Қордың барлық филиалдарында iшкi аудиторлар енгiзiлдi. Шығындарды қысқартып, қызмет тиiмдiлiгi мен көрсетiлетiн қызмет сапасын арттыру мақсатында Қордың құрылымы оңтайландырылды: тиiмсiз және бiр-бiрiн қайталайтын бизнес-үдерiстер алынып тасталды.

Қор қызметiнiң ашықтығын арттыру және халықпен өзара қызметтi жақсарту үшiн 2017 жылғы бiрiншi ширекте БЖЗҚ жанында Қоғамдық кеңес қалыптасып, жетекшi қаржыгерлер, журналистер, қоғамдық ұйымдар өкiлдерi, блогерлер мен қатардағы салымшылар (алушылар) оның мүшелерi болды. БЖЗҚ ресми сайтында ақпарат алудың қосымша арналары ашылып, кез-келген адамға өзiне қажеттi ақпаратты жекелей және топ iшiнде алуына мүмкiндiк беретiн «Басқарма Төрайымының блогi» және «Қоғамдық қабылдау» енгiзiлдi.

Бұдан бөлек, 2017 жылғы үш айда әлеуметтiк, зейнетақы және медициналық қамсыздандыру мәселелерi бойынша БЖЗҚ кәсiпорындар мен ұйымдарда 317 презентация өткiзiп, оларға 11 мыңнан астам адам қатысты.

2017 жылғы 31 наурызда БЖЗҚ тағы бiр бастаманы қолға алып, Ашық есiк күнiн өткiздi. 1,5 мыңнан астам адам қатысқан мұндай бiрiншi шара Қордың барлық филиалдарында 31 наурыз күнi өттi. Бiрыңғай жинақтаушы зейнетақы қоры Ашық есiк күнiн ширек жыл сайын өткiзудi жоспарлап отыр.

Айта кету керек, ақпарат алудың электрондық тәсiлiн қолданушылар саны жыл басынан берi 400 мың адамға артты. 2017 жылғы 1 сәуiрде 3,2 миллионнан астам адам зейнетақы шотының жай-күйi туралы ақпарат алу тәсiлi ретiнде ақпараттанудың электрондық тәсiлiн таңдаған. Осылайша, 196 мыңға жуық адам электрондық мекен-жайына үзiндi-көшiрме алып, 3 миллионға жуық адам сайт және түрлi операциялық жүйелерде жұмыс iстейтiн смартфондар мен планшеттерге арналған ұялы қосымша арқылы ақпарат алу мүмкiндiгiне ие.

Көрсетiлетiн қызметтердiң қолжетiмдiлiгi мен қолайлылығын арттыру үшiн 2017 жылғы 1 шiлдеге дейiн жаңа электрондық қызметтер енгiзiледi: зейнетақы жарналары есебi бойынша жеке зейнетақы шоттарын ашу және БЖЗҚ сайтында жеке кабинет арқылы зейнетақы төлемдерiн тағайындау туралы өтiнiш беру. Бұл өтiнiштiң орындалу статусы туралы алушы СМС-хабарлама алу арқылы хабарланады. Ағымдағы жыл соңына дейiн аталған қызметтердi электрондық үкiмет порталы арқылы енгiзу жоспарлануда.

Бұдан бөлек, «Электрондық БЖЗҚ» жобасының аясында өз-өзiне қызмет көрсету терминалдары мен VTM-терминалдарын пайдалануға беру жоспарланған. VTM-терминалдар — салымшының Қор қызметкерлерiмен интерактивтi тiлдесу жүйесi болып табылады. Олар салымшыға түрлi ақпарат алуға, сондай-ақ, Қор қызметкерiнiң қашықтықтан көрсетiлетiн қызметi (қашықтықтан басқару операциялық орталығы) арқылы ЖЗШ ашуға өтiнiш беру, шоттың жай-күйiн бiлу, төлем алуға өтiнiш беру қызметтерiн қолдануына мүмкiндiк беретiн экраны бар аппараттан тұрады. БЖЗҚ қызмет көрсету орталықтарында тәжiрибелiк пайдаланудан кейiн, салымшылар мен алушылар БЖЗҚ қызметтерiн оның кеңселерiнен тыс жерлерде қолдана алуы үшiн оларды қоғамдық орындарда — банктер, сауда үйлерiнде орналастыру жоспарлануда.

БЖЗҚ 2013 жылғы 22 тамызда «ГНПФ» ЖЗҚ» АҚ негiзiнде құрылды. БЖЗҚ құрылтайшысы және акционерi — Қазақстан Республикасы Қаржы министрлiгiнiң «Мемлекеттiк мүлiк және жекешелендiру комитетi» ММ арқылы Қазақстан Республикасының Үкiметi. БЖЗҚ зейнетақы активтерiн сенiмгерлiкпен басқаруды Қазақстан Республикасының Ұлттық Банкi жүзеге асырады. 2016 жылғы 1 қаңтардан бастап зейнетақы активтерiн басқару тиiмдiлiгiн арттыру бойынша ұсыныстар жасау қызметi Қазақстан Республикасының Президентi басшылық ететiн Ұлттық қорды басқару кеңесiне берiлдi. Зейнетақы заңнамасына сәйкес БЖЗҚ мiндеттi зейнетақы жарналарын, мiндеттi кәсiптiк зейнетақы жарналарын, ерiктi зейнетақы жарналарын тартуды, зейнетақы төлемдерiн, зейнетақы жинақтары мен төлемдерiн жеке есепке алуды жүзеге асырады, салымшыға (алушыға) зейнетақы жинақтарының жай-күйi туралы ақпарат бередi (толығырақ www.enpf.kz сайтында).

«БЖЗҚ» АҚ баспасөз орталығы
БАҚ үшiн байланыстар: press@enpf.kz

Парақтағы соңғы өзгерістер:: 10.05.2017 18:16
@2017 «Сандықтау ауданы әкімінің аппараты» MM
Яндекс.Метрика

Телефон:

Электрондық пошта адресі:

8 (71640) 9-17-42;

sandakimat@mail.ru